6 кастрычніка ў Вільні адбылася сустрэча сябраў Беларускай Хрысціянскай Дэмакратыі, прысвечаная падрыхтоўцы да З’езду БХД 24 кастрычніка ў Беластоку.
Віленскія хадэкі правялі папярэдняе вылучэнне 10 дэлегатаў на З’езд; вызначэнне яшчэ 4 дэлегатаў павінна прайсці да 20 кастрычніка.
Сярод вылучаных – сустаршыня БХД Павел Севярынец, заснавальніца “Кроплі.бай” Вольга Севярынец, намеснік кіраўніка БХД Вільні, старшыня Таварыства Беларускай Культуры ў Літве Алесь Адамковіч, сакратарка гарадской арганізацыі Валерыя Чарнаморцава ды іншыя.
Віленскія хрысціянскія дэмакраты абмеркавалі хаду падрыхтоўкі да З’езда і вызначылі адказных за працу форума ў Беластоку ад дэлегацыі Літвы.