На З'ездзе Беларускай Хрысціянскай Дэмакратыі ў Беластоку 24 кастрычніка шляхам таемнага галасавання было абрана 30 сябраў Нацыяльнай Рады.
Падліковай камісіі давялося двойчы рабіць пералік галасоў, каб пацвердзіць вынікі.
Сябрамі Нацыянальнай Рады, апроч старшыні і намеснікаў, сталі, напрыклад, доктар навук і кіраўнік "Таварыства беларускай культуры ў Літве", рэдактар Алесь Адамковіч з Вільні, эканаміст Уладзімір Мальцаў з Кракава, вядомы бард Сяргей Чарняк з Познані, прадпрымальнік Віталь Марока і юрыст Раман Дзмітрук з Беластоку, дзеяч беларускага руху Зміцер Піменаў з Антверпену, журналістка Алена Шабуня з Варшавы, ветэрынар Аляксей Цюлькоў з Гданьску, ды іншыя.
Першае паседжанне Нацыянальнай Рады БХД адбудзецца ўжо ў чацьвер 29 кастрычніка. На ім плануецца выбраць склад Управы БХД, вырашыць пытанні рэгістрацыі БХД, бліжэйшых кампаніяў і каардынацыі дзейнасці суполак, а таксама далучэння новых сябраў да партыі.
