Пра гэта кіраўнік Варшаўскай суполкі БХД паведаміў на сваёй старонцы ў Фэйсбуку.
Кангрэс распачаў працу 4 сакавіка ў польскай сталіцы.
На мерапрыемстве ўздымаюцца тэмы мясцовага самакіравання, сярод якіх будаўніцтва жылля, дапамога ўразлівым групам насельніцтва, дапамога мігрантам, развіццё лакальных супольнасцяў.
Вялікая ўвага на Кангрэсе нададзеная ўкраінскім бежанцам. А вось бежанцам з Беларусі удзялялася значна менш увагі – нават адсутнічала дыскусія экспертаў па гэтым пытанні.
Што праўда, сярод экспертаў быў кіраўнік Народнага Антыкрызіснага Упраўлення Павел Латушка, які ўзняў беларускае пытанне сярод еўрапейцаў.
“Без асабістых укладанняў у палітыку беларусам наканавана карыстацца той палітыкай, якую аплачваюць іншыя народы ў адпаведнасці выключна са сваімі нацыянальнымі інтарэсамі без аглядкі на саміх беларусаў,” – пракаментаваў падзею Яўген Дудкін.
Варта адзначыць, што беларускія мігранты ў Польшчы могуць актыўна ўдзельнічаць у мясцовым самакіраванні, але гэтаму перашкаджае няведанне беларускімі мігрантамі сваіх магчымасцяў.