Сябры Беларускай Хрысціянскай Дэмакратыі на чале са Зміцерам Піменавым узялі ўдзел ва ўшанаванні памяці продкаў на Дзяды ў Бельгіі.
Беларусы Бельгіі наведалі магілы Міколы Равенскага (аўтара музыкі беларускага нацыянальнага гімну "Магутны Божа") ў Лювэне і раднага Рады БНР Янкі Жучкі.
Сябры БХД разам з іншымі беларусамі ўпарадкавалі магілы і аднавілі бел-чырвона-белыя колеры на пахаваннях і, канешне, праспявалі "Магутны Божа".
Беларусы Бельгіі таксама бяруць удзел ва ўшанаванні памяці іншых выбітных суайчыннікаў. Некалькі гадоў таму яны займаліся ўсталяваннем каванага металічнага крыжа на магіле Барыса Кіта, пахаванага ў Германіі. Акрамя таго, беларуская грамада апякуецца памятным знакам удзельнікам Слуцкага збройнага чыну ў нямецкім Мітэнвальдзе.
